اردو ہے جس کانام ہمیں جانتے ہیں داغ
سارے جہاں میں دھوم ہماری زباں کی ہے
کسی بھی قوم کو اپنی اساس برقرار رکھنے کے لئے اپنی قومی زبان سے جڑے رہنا بہت ضروری ہے۔ قومی زبان کے حوالے سے ہونے والی سرگرمیوں کی وجہ سے بچوں میں قومی جذبہ اجاگر ہوتا ہے
اسی مقصد کے پیش نظربیکن ہاؤس ایف ۔سیون ۔تھری برانچ اسلام آباد میں ہفتہ اردو ادب کے حوالے سے ایک خصوصی تقریب کا انعقاد کیا گیا جس میں جماعت چہارم کے طلباء نے شاعر صوفی تبسم کی نظمیں پیش کیں۔ جماعت پنجم کے طلباء نے علامہ محمد اقبال کی نظم گائے اور بکری پر مبنی رول پلے اور اشعار کی صورت میں مزاحیہ رول پلے پیش کیا ۔ طلباء نے اردو زبان کی اہمیت اور علامہ اقبال کے حالات زندگی کے بارے میں تقاریر کیں ۔ آ خر میں جماعت ششم کے طلباء نے اردو زبان کے مشہور شعراء کے کلام پر مبنی مشاعرہ پیش کیا ۔ ان سرگرمیوں میں طلباء نے بہت جوش و خروش سے حصہ لیا ۔