میرا فٹ بال ٹورنامنٹ
تحریر: محمد فہد الدین
ششم-اے
چودہ اگست دو ہزار پچیس کو میری فٹ بال اکیڈمی کی جونیئر ٹیم کا ایک اہم مقابلہ این سی سی کھیلوں کے مرکز میں منعقد ہوا۔ یہ مقابلہ شام ساڑھے چھ بجے سے رات آٹھ بجے تک جاری رہا۔ اس موقع پر ہم سب نے اپنی اکیڈمی کی وردیاں زیب تن کیں۔ میرے بھائی مجھے وقت سے پہلے کھیل کے میدان میں چھوڑ گئے۔ وہاں پہنچ کر ہم نے میدان کے گرد دوڑ لگا کر جسم کو گرم کرنے کی مشقیں کیں۔ پھر اپنی اپنی پوزیشن سنبھالی۔ میں دائیں جانب کے کھلاڑی کی حیثیت سے میدان میں موجود تھا۔ منصف کے سیٹی بجاتے ہی مقابلہ شروع ہوگیا۔
ابتدا میں کھیل متوازن رہا مگر ایک موقع پر حریف کھلاڑی نے گیند چھین لی اور ہماری دفاعی لائن کمزور پڑ گئی۔جس کے نتیجے میں مخالف ٹیم نے پہلا گول کر دیا۔ اس گول کے بعد ہماری ٹیم کچھ دیر کے لیے حوصلہ ہار بیٹھی لیکن جلد ہی ہم نے خود کو سنبھالا۔ ہمارے مرکزی حملہ آور نے گیند وسطی کھلاڑی کو دی۔ جو میرے پاس پہنچی۔ میں نے خوبصورت انداز میں گیند آگے اچھالی مگر گول کرنے سے پہلے ہمارے کھلاڑی کے ساتھ گول کے علاقے میں غلطی ہوگئی جس پر ہمیں پینلٹی کِک ملا ۔
اس کے بعد حریف ٹیم کے آغاز پر ہمارے حملہ آور نے گیند دوبارہ حاصل کر لی۔ ہم دونوں نے باہمی تعاون سے گیند کو آگے بڑھایا اور آخرکار مجھے سر کے ذریعے گول کرنے کا موقع ملا جسے میں نے شاندار انداز میں استعمال کیا۔ مقابلے کے اختتام پر مجھے بہترین کھلاڑی قرار دیا گیا اور انعامی ٹرافی دی گئی۔ واپسی پر میرے بھائی نے مجھے خوشی میں کھانا بھی کھلایا۔ یہ دن میری زندگی کے یادگار ترین دنوں میں شامل ہو گیا کیونکہ میں نے نہ صرف اپنی ٹیم کو فتح دلائی بلکہ بہترین کھلاڑی کا اعزاز بھی حاصل کیا۔