محفل ذکر حبیب صَلَّى اللَّهُ عَلَيْهِ وَسَلَّمَ

تحریر: نائیلہ عامر

جس دل میں عشق و الفت آل رسول ہے

اُس دل پر رحمتوں کا ہمیشہ نزول ہے

ربیع  الاوّل کا مہینہ آتے ہی ہر لب پر نبی کی شان  میں قصیدے پڑھے جاتے ہیں ایک الگ ہی طرح  کا پُر نور ماحول بن جاتا ہے اور ہر کوئی  محفل مصطفے سجانے کو بیتاب ہوتا ہے۔بیکن ہاوس پرائمری ون کیمپس نے بھی اس موقع کی مناسبت سے خانم النبیین حضرت محمد مصطفے   کی شان میں ایک تقریب کا اہتمام کیا ۔

تقریب کی تیاری

تقریب کی تیاری ربیع الاوّل کی آمد کے ساتھ شروع ہو گئی تھی ۔پہلا مرحلہ تقریب کا نام رکھنے کا تھا  اور سب کی باہمی رضا مندی سے تقریب کا نام “محفل ذکر حبیب “طے پایا۔نام طے پانے کے بعد اسکول کی ہیڈ مس قرآۃ العین اور مس تعظیم  نے اردو  کے تمام اساتذہ کو اکھٹا کیا اور تقریب میں پیش کئے جانے والے پروگرام  کے بارے میں تفصیل سے بات کی  اور  دوسرے دن سے ہی تمام  اردو کے اساتذہ مس ارم،مس حبیبہ،مس لبنی  ،مس شکیلہ اور مس نائیلہ  کے ساتھ آرٹ کی استانی مس عیشہ اور  میوزک کے استادسر لازر نے بھی اس تقریب کی تیاری شروع کر دی۔سب پُرجوش تھےہر طلبہء  اس  پُر مقدس تقریب میں  پڑھ چڑھ کر حصہ لینا چاہتا تھا اور تمام اُستانیوں کی خواہش تھی کہ ہر  بچہ ضرور اس تقریب میں حصہ لے۔جماعت دوم کے طلباء  کو درود پڑھنے کی ذمےداری دی گئی۔مس نائیلہ نے مس وجیہ کے تعاون سے  جماعت دوم کے طلباء  کو روزانہ درود پڑھانے کی مشق کروانا شروع کی۔جماعت سوم کے  طلباء نے  نعت اور احادیث  کی ذمےداری سمبھالی اور مس شکیلہ نے طلبہء کو مشق کروانا شروع کی ۔جماعت چہارم   نے نبی  کی شان میں نعت خوانی کی اور جماعت پنجم کے  طلباء نے کمپیرنگ کی ذمے داری سمبھالی اور ساتھ ساتھ نعت کوئی میں بھی حصہ لیا مس ارم اور مس لبنی نے ان کی تیاری کروائی۔

 

 

 

 

 

پُر نور اور پُر مقدس صبح

بالآخر وہ  دن آ گیا جس دن کا سب کو بے چینی اور بے تابی سے انتظار تھا ۔19 ستمبر بروز جمعہ صبح کے وقت اس  پُر نور اور پُر مقدس پرواگرام کا  آغاز  تلاوت قر آن پاک سے کیا گیا۔تلاوت  جماعت سوم سی کے حسین رضا نے تلاوت کی جب کہ سوم  اے کی طالبہ زنیرہ نے ترجمہ پڑھا۔اُس کے بعد نبی کی شان میں نعتیں پڑھ کر اور احادیث  سنا کر طلباءنے عقیدت کے موتی پُروئےاورایک الگ ہی سماں باندھ دیا۔ سر حمزہ نے جماعت پنجم کے  طلباء  کے ساتھ  نعت  “فاصلوں کو تکلف ہے ہم سے اگر”سنا کر دل کی مدینہ جانے  کی تڑپ کو بڑھا دیا۔آخر میں مس  شکیلہ نے اپنے رب کی بارگاہ میں دعا مانگی اور اس پُرنور محفل کے اختتام پر  پرائمری ون کی ہیڈ مس  قرآۃالعین  کو اسٹیج پر بلایا گیااور ہمیشہ کی طرح انہوں نے  اپنے تمام اساتذہ کی کاوششوں کو سراہا اور یوں اس  محفل کا اختتام نہایت شاندار طریقے سےہوا۔اس خوبصورت تقریب کومس ثناء اورمس فاخرہ نے کیمرے میں تصاویر اور وڈیوز کی شکل میں ہمیشہ کے لئے محفوظ کر لیا گیا اور یوں یہ خوبصورت دن اختتام پذیر ہوا۔