اعزاز و افتخار کا ایک اور روشن باب🏆
اردو زبان و بیان کی شیرینی، اظہار کی دل آویزی اور فنِ تقریر کی مہارت کو اجاگر کرنے کے لیے بیکن ہاؤس اسکول سسٹم ملتان کے کلسٹر سی-13 کے چار اسکولوں کے مابین جماعت ہشتم کے طلبہ کے لیے ایک شاندار بین المدارس تقریری مقابلے کا انعقاد کیا گیا۔
اس علمی و ادبی مقابلے میں سینئر کیمپس آفیسرز کالونی ملتان کے ہونہار طالب علم محمد احمد اعوان نے اپنی پُراعتماد ادائیگی، شستہ زبان، مؤثر طرزِ بیان اور دل نشین اندازِ اظہار سے سامعین کے دل موہ لیے اور سنجیدہ تقریر میں پہلی پوزیشن اپنے نام کر کے ادارے کا سر فخر سے بلند کر دیا۔
یہ کامیابی محض ایک انعام نہیں بلکہ محنت، لگن، خود اعتمادی اور لسانی صلاحیتوں کے نکھار کا روشن مظہر ہے۔
ہم محمد احمد اعوان کو اس شاندار کامیابی پر دلی مبارک باد پیش کرتے ہیں اور ان کے اساتذہ کی محنت و رہنمائی کو بھی خراجِ تحسین پیش کرتے ہیں۔
دعا ہے کہ یہ کامیابی ان کے روشن مستقبل کی نوید بنے اور وہ علم و ادب کے میدان میں یونہی کامیابیوں کے نئے باب رقم کرتے رہیں۔
🌟 Proud Moment | Senior Campus Multan
