گیسوئے اردو ابھی منت پزیر شانہ ہے
شمع یہ سودائی دل سوزئ پروانہ ہے
اردو زبان قومی زبان ہونے کے ناطے ہمارےلیےقابل فخر ہے اور کسی بھی قوم کو اپنی اساس برقرار رکھنے کے لیے قومی زبان سے جڑے رہنا ناگزیر ہے۔ قومی زبان سے متعلقہ ہونے والی سرگرمیوں کا مقصد طلبا میں قومی زبان سے وابستگی اور انسیت پیدا کرنا ہے۔ اسی سلسلے میں بیکن ہاؤس کینٹ کیمپس نےتدریسی عمل میں اردو زبان کے فروغ اور زبان کی ترویج کا بیڑا اٹھایا اور بفضل باری تعالی مسلسل تکمیل کے بعد بدرجہ اتم ہے۔ہر سال کی طرح ادارہ ہذا نے ہفتہ اردو سے متعلقہ”جشن ریختہ” نامی پروقار تقریبات کا انعقاد کیا۔ اس جشن کی ایک کڑی “نگارستان اقبال “بھی ہے۔ جس میں مڈل اور سیکنڈری کے طلبا نے پرجوش انداز میں اقبال کے پیغام کو عملی جامہ پہنایا۔
